لطفي :معنا على الهاتف المهندس مصطفى كيلو المغترب السوري في الدوحةوهو مدير موقع سجل لمشاهدة الروابط
لطفي :السلام عليكم با مصطفى
مصطفى:وعليكم السلام أهلا أستاذ لطفي،مسا الخير عليكم وعلى ملك الكرة السورية الكابتن عبد القادر كردغلي
لطفي:ظبطت معك يا مصطفى عم تقود أنت والشباب بالدوحة حملة ال10ألاف علم أنت ومواقع الأندية السورية واليوم بالحلقة عم تحكي مع الكردغلي بتسألوا شي بس لا تسألو عن تشرين لأننا اليوم بدنا نحكي عن سوريا
مصطفى :أكيد أكيد سوريا أهم من تشرين ومن حطين ومن كل الفرق
لطفي :سؤال مهم 18ألف علم جاهزين ؟
مصطفى: جاهز منهم حوالي 14ألف علم وبقية الأعلام قادمة على طريق الشحن وراح يجو قبل مباراة السعودية بأذن الله
لطفي: خبرني شو الاستعدادت أنت والشباب بالدوحة لمباراة السعودية وسوريا اللي راح تكون السبت الساعة 6وربع تماما.
مصطفى:بدي نوه أنو المباراة 6.15بتوقيت دمشق و7.15 بتوقيت الدوحة ،نحن بغض النظر عن الأعلام اللي جمعناها بشكر الملك سجل لمشاهدة الروابط اللي دعمنا معنوياً قبل مايدعمنا عن طريق الأعلام بشكرو وبشكر كل الناس اللي ساعدونا بالأعلام ،جمعنا 18 الف علم وعملنا 200تي شيرت مرسوم عليها علم سوريا وموجود عليها شعار المنتخب نجمتان وقلب واحد ،طبعاً نحن وحدنا الأندية كلها أذا لاحظت باستقبال المنتخب الوطني بالمطار كل شخص كان لابس كنزة ناديه ومكتوب عليها أسم ناديه حتى نفرجي المنتخب أنو كل الأندية السورية هي معكم وكل الجمهور بقطر معكم .
لطفي: التذاكر شو صار بموضوع الجمهور السوري بمباراة السعودية
مصطفى: نحن في مشكلة تعترضنا وهي أنو الجمهور السوري راح يكون ملاصق له جمهور سعودي لذلك نحن كرابطة في قطر تعاونا أنو نشتري أكبر عدد من التذاكر بحيث أننا نجلس كلنا مع بعض ونلبس التي شيرتات سوا ونحمل الأعلام ونشجع سوا ،وفي ناس متخوفة من تفوق عدد الجمهو ر السعودي ولكن صدقني المشجع السوري بقوته وحماسه يساوي 100مشجع أخر يعني اذا جاء 8ألاف مشجع سعودي وجاء مننا 1000أو 2000مشجع سوري وهو راح يجي أكتر بس سدئني صوتنا راح يكون أقوى ومسموع أكتر .
لطفي:معقولة في جالية سورية كبيرة ويجي من السعودية 8000يغلبونا بدنا نغلبون
مصطفى :أنا بتوقع نكون 10ألف وبتوقع اذا فزنا على السعودية راح نتأهل للدوري التاني ونحن كجمهور راح نعمل جهدنا ،بس اسمحلي أشكر أشخاص مافيني ما أشكرون لأنهم كانوا معي من أول الطريق وهنن مدير منتديات الحرية أخي مصطفى كيالي وسوار الحسامي والمهندس موفق يبرودي ومن السعودية مازن الصالح ومن اللادئية نبيل السيد(حضرتنا)لأنهم كانوا معي وساعدوني بشكل فظيع .
لطفي:نشكرك كتير المهندس مصطفى كيلو المغترب السوري واحد من الشباب الطيبين مدير موقع عشاق تشرين اللي كان عم يشتغل على حملة دعم منتخب سوريا في الدوحة .
المصدر: عشاق نادي تشرين